thukra kar hazaron dil
mere dil ne kaha tujhse mil
ab samjha, ki yeh dil tujhse kyun milna chahta tha
asal mein toh yeh sirf dhadakna chahta tha
tere husn mein na jaane kya jaadu hai
har pal mere rom-rom ko karti bekaabu hai
sholon si aankhe, hai kaan mein baali
haay allah! yeh ada badi matvaali
lamho se ki hai guzarish, ki woh kucch der ke liye tham jae
mere sanam ka chehra tasveer banke mere dil mein bas jae
dil mein jagi hai ik kashish ki tere hontho se apni pyaas bujhaun
tum kaho toh chaand taaron ko main falak se chura laun
hai aarzoo ki tere saath har lamha bitaun
hai yahi tamana ki tere sang hi mar jaun
hai yahi koshish ki teri khushi tujhse kabi door na hone dun
hai yahi khwahish ki heer-raanjha ko peeche chhod main apni daastan banau!!!!!
-----Kalyan Chakravarthy A.
No comments:
Post a Comment